Á Evrópuþingi skáta í Brussel hlutu íslenskir skátar einróma lof fyrir undirbúning og framkvæmd Rowerway 2009, sem var mót fyrir evrópskra skáta 16 ára og eldri og haldið var s.l. sumar á Íslandi. Þátttakendur voru rúmlega 3000 frá 42 löndum og dvöldu flestir í rúmlega 2 vikur á Íslandi.

Vegna velgengni Rowerway 2009 var umsókn íslenskra skáta um að halda sambærilegt mót árið 2017 fyrir skáta allstaðar úr heiminum fagnað og munu evrópskir skátar styðja umsókn Íslands á heimsþingi skáta í Brasilíu í janúar n.k. Ef umsókn íslendinga verður samþykkt mun mótið líklega laða u.þ.b. 5000 erlenda skáta til landsins. Mótið mun því verða með stærstu alþjóðlegu viðburðum sem haldnir hafa verið á Íslandi. Varlega áætlað skilaði Rowerway 2009 rúmlega 600 milljónir króna í gjaldeyristekjur til þjóðarbúsins og því er ljóst að það eru miklir hagsmunir í húfi ekki einungis fyrir íslenska skáta heldur einnig fyrir íslenskt samfélag að íslenskum skátum verði treyst fyrir því að halda þennan stórviðburð.

Á þinginu var m.a. rætt um þær áskoranir sem ungt fólk stendur frammi fyrir í dag en þær kunna að vera nokkuð mismunandi eftir löndum. Jafnframt kom fram að það sameiginlega mat aðildarbandalaganna að gildi skátastarf höfði betur til ungs fólks í dag en þau gerðu fyrir nokkrum misserum síðan og þar kunni breytingar á efnahagsástandi í álfunni áhrif. Það hefur leitt til þess að skátum í Evrópu hefur fjölgað nokkuð á s.l. 3 árum. Íslenskir skátar mega vera stoltir fyrir þann stuðning og traust sem þeim er sýnt af hálfu skáta í Evrópu og það er þeim mikil hvatning til frekari afreka.