Skátahreyfingin hefur flutt inn og selt svokallað Sígræna Jólatréð í 15 ár.  Salan hefur yfirleitt hafist í byrjun desember en nú bregður svo við að trén eru farin að rjúka strax út og voru komnar nokkrar tugir pantana áður en salan hófst sem aldrei hefur gerst áður.  Við áttum  okkur ekki alveg á þessum látum og ef svo fer fram sem horfir klárum við lagerinn áður en hin venjulega jólaverðtíð hefst.  Svo það er ekki seinna vænna en að tryggja sér tré strax ef fagna á jólum með Sígrænu Jólatré.  salan fer fram í Skátamiðstöðinni Hraunbæ 123 og opið virka daga kl. 9-17.

Sígræna Jólatréð sem skátarnir eru með þykja sérlega falleg og telja þeir að um 25.000 trjáa frá þeim skreyti heimili og fyrirtæki hérlendis.  Um er að ræða gervijólatré þó skátarnir fullyrði að gervi jólatré sem slík séu alls ekki til heldur eru öll jólatré ekta jólatré en bara úr mismunandi efnum.  SÍGRÆNA JÓLATRÉÐ er einstaklega eðlilegt og eftirlíking Normanþyns.  Tré skátanna hafa notið mikilla vinsælda og hafa þeir iðulega selt upp vinsælustu stærðirnar nokkru fyrir jól en nú stefnir að þau klárist jafnvel enn fyrr.  Gervijólatrén á markaðinum eru mjög mismunandi að gæðum og verðum eins og gefur að skilja.  Skátarnir eru alls óhræddir við að benda fólki á að gera samanburð - SÍGRÆNA JÓLATRÉÐ standist samanburðinn fyllilega.  Þeir eru einu söluaðilar gervijólatrjá sem bjóða 10 ára ábyrgð á jólatrjánum, en þau eru jafnframt eldtraust og vandaður stálfótur fylgir með.  Þá bjóða þeir tré í 10 stærðum frá 90 sm upp í 500 sm.

Ástæður sívaxandi vinsælda gervijólatrjáa segja þeir vera margar.  Verulega vönduð og falleg gervijólatré eins og SÍGRÆNA JÓLATRÉÐ sé það eðlilegt að vart er hægt að sjá mun á því og náttúrulegu jólatré.  Fólk er alveg laust við allt vesenið sem fylgir náttúrulegu trjánum, geyma það á köldum stað, höggva til legginn, passa að vökva það, ryksuga upp nálarnar, og síðast en ekki síst er orðið vandamál að losa sig við það eftir hátíðarnar.  Þá er verulegur sparnaður til lengri tíma litið að koma sér upp gervijólatré.  Þá virðist sem sífellt fleiri hafi ofnæmi í einhverju formi fyrir gróðri og koma þessi tré sér þá vel á þeim heimilum sem á skólum, sjúkrastofnunum, og dagheimilum.  Skátarnir telja að milli 30 og 40 prósent heimila séu nú með gervijólatré um jólin og fari hlutfallið vaxandi.  Sala á SÍGRÆNA JóLATRÉNU er hafin og er einungis selt í Skátamiðstöðinni Hraunbæ 123.