Ár hvert á næsta sunnudegi við stofndag Alþjóðagildisins 25. október 1953 er þessa atburðar minnst á táknrænan hátt.

Dagur Sameinuðu þjóðanna er 4. október. Sá dagur hefur einnig verið valinn sem sérstakur hátíðisdagur gildisskáta. Á heimsþingi St. Georgsskáta, sem haldið var í Durham í Englandi 1967 var lögð áhersla á að öll þátttökulönd samtakanna gerðu þennan dag að hátíðardegi. Þannig varð vináttu dagurinn til.

"Borgargildið í Reykjavík" varð fyrst íslenskra gilda til að halda hátíðlegan "Vináttudag" hinn 23. október 1968. Síðan hefur þessi dagur verið fastur liður í starfi St. Georgsgildanna á Íslandi.

"Vináttudagurinn" er alþjóðlegur og til þess ætlaður að efla vináttuna, bæði milli einstaklinga og þjóða. Hann endurnýjast frá einu ári til annars. Andi hans er þó alltaf samur og jafn, markaður vináttu og mannskilningi. Hverjum "Vináttudegi" fylgir nýr boðskapur, nýjar áherslur, ný sjónarhorn á menn og mannlega reynslu. Það er sjálfur alþjóðaforsetinn sem skrifar vináttudagsboðskapinn hverju sinni og berst hann landa á milli, frá einu gildi til annars. Og í honum felast ætíð fjölmörg athygliverð atriði sem geta haft áhrif á hugsun okkar og sjóndeildarhring, til eflingar vináttu og skilnings þjóða í milli.

Umsjá "Vináttudagsins" á næstu átta árum skiptist þannig milli gildanna sunnan heiða:

• 2004: St. Georgsgildið Straumur
• 2005: St. Georgsgildið í Hafnarfirði
• 2006: St. Georgsgildið í Reykjavík
• 2007: Landsgildið
• 2008: St. Georgsgildið í Hveragerði
• 2009: St. Georgsgildið í Keflavík
• 2010: St. Georgsgildið í Kópavogi
• 2011: St. Georgsgildið Straumur