Handbók Jamboreefara (14) Dvöl hjá félögum í skátafélaginu Alonso de Ercilla í Santíagó Sá skemmtilegi siður hefur skapast að skátum sem heimsækja önnur lönd sem þátttakendur á skátamótum stendur til oft boða að hitta skáta frá viðkomandi löndum. Oft er þetta í formi heimsóknar í heimahús eða skátaheimili. Þetta heimsmót er engin undantekning frá þessu, þó að ekki hafi verið unnt að sinna öllum beiðnum um slíkt. Við munum njóta gestrisni skátafélags í Santiago. Í þessum skrifuðum orðum eru vinir okkar í óða önn að skipuleggja móttöku okkar til höfuðborgar Chile, Santiago. Það sem við vitum í dag er að við munum dvelja í íþróttahúsi ásamt 120 skátum frá Slóveníu. Siggi Úlfars. er í tengslum við góðan vin sinn sem sér um Slóvenana þannig að ekki ætti að væsa um okkur í nærveru þeirra. Enn og aftur minnum við á fyrsta boðorðið! Santiago verður skoðuð, skroppið á ströndina, við munum hitta skáta frá svæðinu og vonandi komast í heimsókn, auk þess sem mikið partý mun verða sett upp í íþróttahúsinu fyrir okkur og Slóvenana. Við verðum alltaf að muna að við erum gestir þeirra skáta sem taka á móti okkur og því ber okkur að sýna fyllstu kurteisi og tillitssemi og umfram allt vera jákvæð í þeirra garð. Reynslan hefur sýnt okkur að þessir dagar munu verða okkur ógleymanlegir og oftar en ekki hafa skapast órjúfanleg vináttubönd milli þeirra skáta sem eyða stundum saman þessa daga. Gjafir Líklegt er að við öll munum kynnast einhverjum sem við viljum þakka fyrir ánægjuleg kynni eða aðstoð. Það er að sjálfsögðu hægt að þakka fyrir sig á margan hátt og verður hver og einn að finna hjá sjálfum sér hvernig best er að fara að því. Hópurinn í heild mun gefa mótinu og þeim sem mun taka á móti hópnum gjafir, þ.e. skátaklút með ísaumuð þau merki sem eru á íslenska skátabúningum og félagsmerkjum skátanna í hópnum. Fararstjórnin vill hins vegar benda þátttakendum á litla bók um Ísland sem er hentug gjöf til þeirra sem þið viljið gleðja eða þakka sérstaklega, þ.e. bókinn, "ICELAND'S TREASURED GIFTS" eftir Pál Ásgeir Ásgeirsson (ISBN: 9979511044) auk fararmerkis ferðarinnar. Einnig skal bent á nýtt merki sem BÍS hefur látið hanna með bandalagsmerkinu og íslensku fánalitunum. Svo má auðvitað nefna t.d. litla hraunmola, íslensk skátamerki eða aðra skemmtilega íslenska smáhluti. Hafið í huga að þið gætuð viljað hafa nokkrar gjafir og því nauðsynlegt að miða við eitthvað lítið og létt og geta í staðinn gefið mörgum. Gjaldmiðill Gjaldmiðillinn í Chile heitir "peso" og skiptist í 100 "centavos" og var gengi hans þann 19. október þannig að 1 peso var jafn og 0,1469 íslenskar krónur (1 ISK = 6,8074 CLP). Á flugvöllunum á leiðinni munum við geta notað bandaríska dollara og kreditkort. Bankar Því miður hefur ekki verið hægt að fá staðfest á hvaða tímum bankar eru opnir en búast má við því að þeir séu almennt opnir alla virka daga nokkrar klukkustundir í senn. Stefnt er að því að hópurinn fari allur saman að taka út reiðufé í Santíago og fái við það aðstoð innlendra skáta. Þjórfé og prútt Íslendingum hefur alltaf þótt skrítið að þurfa að gefa þjórfé því á Íslandi er svokallað þjónustugjald innifalið í verði vörunnar. Víðast hvar erlendis er það þó ekki svo. T.d. í Chile er þjónustufólk á veitingastöðum á mjög lágum launum þannig að hafi fólk á annað borð efni á því að borða úti þá hefur það efni á því að gefa þjórfé. Á mörkuðum og gagnvart farandsölufólki ýmiss konar tíðkast það að prútta. Uppgefið verð er sjaldan það verð sem hægt er að fá vöruna á. Annar aðilinn fer yfirleitt ekki vel út úr viðskiptunum og langoftast er það ferðamaðurinn! J Því munu þátttakendur þurfa að gæta sérstakrar varúðar í viðskiptum sínum á slíkum mörkuðum. Skilaboð frá vinum okkar í Chile Í öllum tilfellum skal þó minnt á almenna kurteisi í samskiptum við fólk. Verðlag í Chile Til að gefa ykkur einhverja hugmynd um verðlag í Chile er hér listi yfir nokkra hluti og hvað þeri kosta. Öll verð sem eru gefin upp eru í bandarískum dollurum (USD - $). Gosdrykkur (Coke, appelsín, 7-up, o.þ.h.) (Stórmarkaðsverð) $0.63 Ís $0.80 - $1.05 1 ltr. mjólk $0.80 1 Súkkulaðistk. (Mars, Snickers o.þ.h.) $0.50 1 cup of coffee or tea (restaurant) $0.70 1 Samloka með skinku og osti $0.80 - $1 Gosdrykkur (Coke, appelsín, 7-up, o.þ.h.) (Veitingastaðir) $0.80 - $1 1 sælgætispoki $0.80 1 kg. ferskjum (6 stk) $0.80 1 ltr. Sódavatn (stórmarkaður) $0.95 1 bíómiði $5.26 1 strætómiði (innan Santiago) $0.40 1 neðanjarðarlestarmiði (hvert sem er) $0.50 1 póstkort $0.40 1 frímerki til Ameríku eða Evrópu $0.70 1 Hádegisverður á veitingastað $5-6 1 Símtal innanbæjar (3 mínútur) $0.25 Kvöldverður á flottum veitingastað $22-32 1 Big Mac $3.68 1 Kg Brauð $1-1.15 Levi`s 501 gallabuxur $19-44 Góðir Nike íþróttaskór (eða svipaðir) $26-76 Regnjakki $76-126 Geisladiskur (CD) $4.20 Skátabúningur $15 Heimsóknir á söfn $5 Chile Eftirfarandi texta um Chile fundum við á heimasíðu Lonely Planet og leyfum ykkur að æfa ykkur í enskunni um leið. (http://www.lonelyplanet.com/dest/sam/chile.htm#triv1). Gangi ykkur vel. Úr Lonely Planet: Jafnvel þó enginn segi nei við rölti eftir strætum borganna er aðalástæða þess að ferðamenn laðast að þessari landrönd sem Chile er hin stórkostlega Kyrrahafsströnd, Andesfjöllin og framboð á alls kyns ævintýraferðum. Hin sérstaka menning Chilebúa hefur lifað af ofbeldi og yfirgang sögunnar og er enn á uppleið, þökk sé fólkinu sem er annálað fyrir hlýju, glaðleika og aðlögunarhæfni. Þrátt fyrir að vera eitt „evrópskasta" land Suður - Ameríku má finna ýmsar fornar hefðir í hlíðum Andesfjallanna með sumar af merkustu þjóðgörðum álfunnar draga að göngufólk og náttúruunnendur.
 Úr örbylgjunni: Nafn landsins: Lýðveldið Chile (Republic of Chile) Stærð: 750.000 km2 Íbúafjöldi: 14.025.000 manns. (1,7% vöxtur á ári) Höfuðborg: Santíagó(íbúafjöldi: 5 milljónir) Fólkið: 90% mestizo, 5% indíánar, 5% evrópskir innflytjendur Tungumál: Spænska og fjöldi innlendra mállýska þ.m.t. Aymara, Mapuche og Rapa Nui Trúarbrögð: Yfir 90% rómversk-kaþólsk, 5% mótmælendur Stjórnarfar: Kristilegt lýðræði. Forseti: Eduardo Frei Sjá nánar á heimasíðu The Lonely Planethttp://www.lonelyplanet.com/dest/sam/chile.htm#triv1 upplýsingar um Chile. Samræður Chilebúa Eftirfarandi er beint upp úr skeyti sem við fengum frá vinum okkar í Chile GREETINGS
IN A RESTAURANT
A NORMAL DAY
Some pieces of advice
Ask your host troop to tell you the convenient places to buy handycrafts.
 | |||||||
