Sögulegt yfirlit m.t.t. fyrri heimsmóta skáta.

Eins og áður hefur komið fram er þetta heimsmót það 19. í röðinni. Fyrsta mótið var haldið fyrir 78 árum, eða árið 1920, í Englandi. Síðan hefur mikið vatn runnið til sjávar og heimsmótin verið haldin víða um heim. Þrisvar sinnum hefur mótið verið haldið í Englandi, tvsivar í Kanada og Hollandi, einu sinni í Danmörku, Ungverjalandi, Frakklandi, Austurríki, Fillipseyjum, Grikklandi, Bandaríkjunum, Japan, Noregi, Ástralíu og Kóreu. Alls hafa 350.000 skátar sótt þessi mót frá upphafi.

Sutt ágrip af undirbúningi ferðarinnar.

Í upphafi árs 1998 var skipuð fararstjórn til að sjá um undirbúning og framkvæmd ferðarinnar. Hún hófst þegar handa við undirbúning og þann 12. febrúar var haldinn undirbúningsfundur með þátttakendum í Skátahúsinu við Snorrabraut. Á fundinum kynnti nýskipuð fararstjórn sig fyrir fundarmönnum og farið var lauslega yfir þau verkefni sem framundan. voru. Jafnframt var farið yfir það verkefni sem beið fararstjórnar og horft á myndband frá síðasta heimsmóti í Hollandi 1995 sem og kynningarmyndband frá mótsstjórn heimsmótsins í Chile. Skýrlega kom í ljós að mikill hugur var í fólki og mikill spenningur að takast á við ferðina.

Hópurinn hittist einnig í útilegu að Úlfljótsvatni helgina 21.-23. ágúst. Hafði ferðinni verið heitið í Arnarsetur en á síðustu stundu var ákveðið að fara austur að Úlfljótsvatni og aðstoða við þökulagningu sem var þá í fullum gangi sem liður í undirbúningi fyrir landsmót skáta 1999.

Fararstjórn hefur, þegar þetta er skrifað gefið út þrjú tölublöð af Picarquín, fréttabréfi hópsins og er stefnt á frekari útgáfu. Fararmerkið hannaði Guðni Gíslason. Foreldrafundur var haldinn 1. nóvember í skátahúsinu og var vel mætt. Þá hittist hópurinn eina nótt 27. til 28. nóvember í skátaheimili Ægisbúa og fóru fulltrúar hans þá m.a. í viðtal á Rás 2.

Kynning á fararstjórn og sveitarforingjum.

Bragi Björnsson, aðalfararstjóri

30 ára yfirlögfræðingur við embætti skattrannsóknarstjóra ríkisins.

Starfar með skátafélaginu Ægisbúum og Hjálparsveit skáta í Reykjavík og situr auk þess í stjórn Bandalags íslenskra skáta.

Heimasími: 561 6138.

Vinnusími: 550 8843

Netfang: bragi.bjornsson@skattur.is

Ingibjörg Guðmundsdóttir, sveitarforingi

25 ára starfsmaður Sólheima í Grímsnesi.

Starfar með skátafélaginu Vífli sem aðstoðarfélagsforingi og hefur gegnt þar hinum ýmsu trúnaðarstörfum. Hefur einnig starfað mikið að foringjaþjálfun fyrir hönd BÍS, er starfandi í Hjálparsveit skáta í Garðabæ og er leiðbeinandi í skyndihjálp.

Tók þátt í World Jamboree í Hollandi 1995 sem aðstoðarsveitarforingi.

Heimasími: 565 7035

Vinnusími: 486 4430

Netfang: ingibjorgg@hotmail.com

Sigfús Kristjánsson,
aðstoðarmaður fararstjóra

23 ára guðfræðinemi.

Starfar með skátafélaginu Ægisbúum sem gjaldkeri stjórnar, sveitarforingi dróttskátasveitarinnar d.s. Búrjó auk þess sem hann sá um útilífsskóla félagsins síðastliðið sumar. Situr einnig í foringjaþjálfunarráði BÍS.

Heimasími: 552 4831

Netfang: sigfusk@hi.is

Sigurður Viktor Úlfarsson, sveitarforingi

24 ára nemi í Viðskiptaháskólanum í Reykjavík og starfsmaður Gallup í Íslandi.

Hefur starfað með skátafélaginu Skjöldungum sem sveitarforingi, í stjórn félagsins o.fl. Situr í starfsráði BÍS. Hefur töluvert starfað í alþjóðlegu skátastarfi og var m.a. starfsmaður alþjóðlegrar skátamiðstöðvar í Kandersteg í Sviss í 3 mánuði árið 1996.

Tók þátt í World Jamboree í Suður - Kóreu 1991 sem almennur þátttakandi.

Heimasími: 5813839

Símboði: 845 4843

Netfang: sivu@vhr.is

Uppfært: 12. desember, 1998. © 1998 - Netnefnd BÍS - Guðmundur Jónsson Afritun án heimildar er leyfð ef Skátavefsins er getið með endurbirtingu efnis. Reproduction of material without permission authorized, giving credit to "www.scout.is".